Libre sa mga fully vaccinated visitor ang entrance fee sa Fort Santiago simula bukas, November 15 hanggang 30.
Ito, ayon kay tourism secretary Bernadette Romulo-Puyat, ay bilang suporta sa vaccination program ng gobyerno at upang makahikayat ng mas maraming Pilipino na magpabakuna.
Ipapakita lamang anya ng mga papasyal ang kanilang vaccination card o certificates na may petsa sa entrance gates.
Bukod sa libreng entrance fee, makatatanggap din sila ng libreng beep cards.
Samantala, para sa mga hindi pa nakakukumpleto ng bakuna, kailangang magbayad ng 50 pesos habang 75 pesos sa mga unvaccinated. —mula sa panulat ni Drew Nacino
