Itinuturing na inspirasyon ng mga miyembro ng gabinete ni Pangulong Rodrigo Duterte ang natanggap na mataas na rating mula sa isinagawang survey ng Social Weather Station o SWS.
Batay sa resulta, nakakuha ng positive 38 net satisfaction rating ang gabinete ni Pangulong Rodrigo Duterte.
Ang naturang rating ay mas mataas ng anim (6) na puntos mula sa nakalipas na survey.
Nagpasalamat naman si Presidential Spokesman Harry Roque sa publiko sa natanggap na grado na pinakamataas na satisfaction rating na naibigay sa gabinete simula pa noong 1990.
