Isang makabuluhang gabi para makapangalap ng pondo para sa mga biktima ng cancer ang nakatakdang isagawa ng PCS o Philippine Cancer Society mamayang alas-6:30 ng gabi sa Rizal Ballroom ng Makati Shangrila Hotel.
Kada taon mula pa noong 2004 ay isinasagawa ng PCS ang gala night para sa mga awardees ng Best Dressed Women of the Philippines o BDWP at Men of Exemplery Influence o MEI.
Ang pondong nakakalap sa taunang gala night ay ginagamit rin ng PCS sa kanilang screening services para sa breast examination, pap smear, libreng medical consultations, mammography, biopsy, libreng chemotherapy drugs at cancer hospice care.
Kamakailan lamang ay inilunsad ang PCS Mobile Clinic na donasyon ng Victory Liner.
Ang PCS Mobile Clinic ay mayroong cryotherapy machine, cryotank at autoclave na kauna unahan sa bansa at puwedeng magamit upang maabot ang mga malalayo at mahihirap na lugar para sa breast at cervical cancer examinations.
By Len Aguirre
