Hinimok ni Vaccine Czar Secretary Carlito Galvez Jr., ang mga senior citizen na magpabakuna kontra COVID-19.
Ito’y matapos mapaulat na kakaunti lamang ang bilang ng mga matatandang nagpapabakuna.
Ayon kay Galvez, mahigit animnapung porsyento ng namamatay dahil sa COVID-19 sa bansa ay mga senior citizen.
Kaya aniya kabilang ang mga katandaan sa grupo na prayoridad na mabigyan ng bakuna kontra sa nakahahawang sakit.
Nabatid na simula nuong magsimula ang vaccination program sa bansa nuong marso, 11% lamang ng senior citizen ang nakatanggap ng COVID-19 shots.
