Tiwala si Vaccine Czar Carlito Galvez Jr., na kaya pa ng bansa na maabot ang target nitong magkaroon ng ‘better’ Christmas ngayong taon.
Ito’y ayon kay Galvez, sa kabila ng dumaraming kaso ng COVID-19 at mga dinadapuan ng mas nakahahawang variant nito.
Isa aniya sa rason ay dahil maraming lugar sa ating bansa ang mabilis ang roll-out ng bakuna kontra COVID-19 bukod pa aniya sa patuloy na pagdating ng mga vaccine supply sa bansa.
Halimbawa na lamang ani Galvez ang Metro Manila na patuloy pa rin ang ginagawang pagbabakuna sa kabila ng muling pag-iral ng Enhanced Community Quarantine (ECQ).
