Patay ang limang indibidwal matapos ang isang gas explosion sa Lagos, Nigeria.
Ayon kay National Emergency Management Official Ibrahim Farinloye, kabilang sa mga nasawi sa pagsabog ang isang sampung taong gulang, tatlong lalaki at isang babae. Tuloy-tuloy ang rescue operation sa lungsod.
Hinala ng mga otoridad sumiklab ang apoy nang sumabog ang isang silindro ng tanke ng gasul sa isang gas shop.
Sa tala ng Lagos State Emergency Management Agency, natupok ng apoy ang tatlong tindahan , anim na kabahayan, at humigit kumulang 12 sasakyan. Habang nailigtas naman ang nasa sampung indibidwal.
Dagdag pa ng ahensiya, bumuo na ng komite na mag-iimbestiga sa nangyaring insidente.—sa panulat ni Joana Luna
