Nagpahayag ng suporta si Davao City Mayor Rodrigo Duterte sa gay community.
Gayunman, nilinaw ni Mayor Digong na hindi niya kailanman susuportahan ang same sex marriage taliwas sa isinusulong ng lesbian, gay, bisexual at transgender o LGBT community.
Paliwanag ng alkalde, malapit ang kanyang puso sa mga bading lalo’t marami siyang mga kaibigan at kaanak na may ganito aniyang sexual preference.
Subalit hindi niya matatanggap ang pagsasama ng magkaparehong kasarian dahil para sa kanya, sagrado ang pagpapakasal at itinadhana lamang ito para sa mga lalaki at babae.
By Jaymark Dagala
