Kumpiyansa si Gilas Pilipinas Head Coach Chot Reyes na magtatagumpay ang pambansang koponan sa 2017 Fiba Asia Cup na gaganapin sa Lebanon.
Sinabi ni Reyes na bagamat kulang ang kanilang panahon para mag-ensayo, kampante aniya siya na walang makatatalo sa kanila.
Para naman kay Filipino-Canadian Matthew Wright, isa sa mga napili sa line up para sa Fiba Asia Cup, hindi pa nakakamit ng Gilas Pilipinas ang full potential nito.
Pero, ayon kay Wright, hindi maitatanggi ang koneksyon nila sa isa’t isa na siyang magdadala sa kanila sa tagumpay na kanilang inaasam.
- Meann Tanbio
