Hanggang Game 7 ang Manila Clasico.
Ito’y matapos magpakita muli ng ‘never say die spirit’ ang Barangay Ginebra Gin Kings nang padapain ang Star Hotshots sa score na 91-87 sa Game 6 ng PBA Philippine Cup Semifinals series na ginanap sa Araneta Coliseum.
Dahil tabla na ang serye na may tigta-tatlong panalo, maghaharap sa isang deciding knockout game ang Star at Gin Kings bukas sa Mall of Asia Arena.
Ang mananalo sa Semifinals series ay haharap sa defending champions na San Miguel Beermen o kaya’y sa TNT Katropa.
By Jelbert Perdez
