Natagpuang wala ng buhay ang isang babae matapos pagtatagain sa loob ng kanyang tahanan sa Tanay, Rizal
Kinilala ng awtoridad ang biktimang si Jeny Reyes, 59- anyos
Ayon sa saksi na si Wilson Catambay, nasa loob siya ng kanyang bahay nang marinig ang biktima na humihingi ng tulong.
Pagdating umano niya sa bahay ng biktima ay kaagad niya itong tinawag upang alamin kung ano ang nangyayari ngunit hindi na sumasagot.
Tinangka rin umano niyang buksan ang pinto ngunit naka-lock ito mula sa loob kaya’t hindi niya nagawang makapasok ng bahay.
Dahil dito, agad na humingi ng tulong ang testigo sa mga kapitbahay at maging sa barangay sa nasabing lugar.
Gayunman, nang sumilip umano sila sa bahay ay nakita ang biktima na duguan at may mga taga sa katawan kaya’t humingi na ng tulong sa mga pulis.
Nagsasagawa na ng masusing imbestigasyon ang mga pulis upang matukoy ang salarin at motibo sa krimen.
