Umapela ng tulong si Ginang Sharon Dacera kay pangulong rodrigo duterte para makamit ng kanilang pamilya ang hustisya sa pagkamatay ng kaniyang anak na si Christine Dacera.
Sa muling pagharap ni Ginang Dacera sa media, emosyonal nitong sinabi na hindi niya pa kayang tanggapin na wala na ang kaniyang anak lalo’t sa ganoong klaseng paraan.
Gayunman, nagpapasalamat aniya siya sa panginoon sa pagbibigay ng sapat ng lakas para harapin ang laban ng kaniyang anak.
Panawagan ni Ginang Dacera sa pangulo, tulungan sila dahil ordinaryo at hindi naman makapangyarihan ang kanilang pamilya para mapanagot ang mga nasa likod ng pagkamatay ni Christine.
