Inabot ng panganganak sa kotse ang isang ginang sa tulong ng isang babaeng pulis sa Pasig City.
Martes nang hapon ng humingi ng tulong sa Police sub station 2 sa Doktor Sixto Avenue ang mister ng nanganak na ginang na si Jan Ateney dahil sa pagtirik ng kanilang kotse.
Agad naman na pinuntahan ng otoridad ang ginang.
Dito na pinaanak ni Corporal Norma Royo ang ginang dahil nakalabas na ang ulo ng bata kahit pa walang karanasan ito sa pagpapaanak.
Labis naman ang pasasalamat ng ginang sa pulis tumulong sa kanila.
Nasa maayos na kalagayan naman na ang mag-ina.—sa panulat ni Rex Espiritu
