Hindi lamang sa Pilipinas popular ang Pangulong Rodrigo Duterte kundi maging sa ibang bansa.
Binigyang diin ito sa DWIZ ni Political Analyst Professor Ramon Casiple na aniya’y pinatunayan nang pagkapanalo ng Pangulo bilang 2017 Most Influential in the World ng Time Magazine.
Sinabi pa ni Casiple na malaking bagay ang unti-unting pagiging global personality ng Pangulong Duterte na kinilala dahil sa mahigpit na kampanya kontra iligal na droga.
PAKINGGAN: Bahagi ng pahayag ni Prof. Ramon Casiple
Gayunman sinabi ni Casiple na kulang pa ng isang factor para tuluyan nang maikunsidera bilang world figure ang Pangulong Rodrigo Duterte.
Aniya hindi pa siya kumbinsidong talagang ma-impluwensya na ang Pangulong Duterte sa international community bagamat nakuha nito ang taguring Most Influential Person in the World ng Time Magazine ngayong taon.
Sinabi pa sa DWIZ ni Casiple na tiyak na magiging global figure si Duterte sakaling magbago ang buhay ng mga Pilipino sa kakaibang paraan.
PAKINGGAN: Bahagi ng pahayag ni Prof. Ramon Casiple
