Nagkukumahog ang gobyerno sa pagkuha ng mga denstista.
Kasunod na rin ito nang pagpapabatid ni Senador Ralph Recto na 90 milyong Pilipino ang may nabubulok na ngipin subalit wala aniyang programa ang gobyerno hinggil dito sa kabila ng malaking pambansang budget.
Sinabi ni Presidential Communications Secretary Sonny Coloma na nakikipag-ugnayan na si Health Secretary Janette Garin kay Recto para tiyaking inaaksyunan na ng gobyerno ang report nito.
Ayon kay Coloma, wala sa line item ang dental program subalit may pondo naman ito kahit wala sa General Appropriations Act.
Nakikipag-ugnayan na rin aniya ang DOH sa DepEd at DILG para sa ilalargang dental program sa 2016 at binabalangkas na ang kasunduan hinggil dito.
By Judith Larino | Aileen Taliping (Patrol 23)
