Muling sumikwat ng panalo ang defending champions Golden State Warriors matapos ang kanilang pagkatalo sa Sacramento Kings, kamakailan.
Sa pagkakataong ito, nalusutan ng warriors ang Los Angeles Lakers sa score na 127-123 via overtime sa homecourt mismo ng L.A. sa Staples Center Arena, California.
Pinangunahan ang Golden State ng big 3 o nina Kevin Durant sa pamamagitan ng 29 points habang nag-ambag ng 28 points si Stephen Curry at 20 points si Klay Thompson.
Nagpakawala naman ng career high 32 points si Brandon Ingram at kumamada ng 21 points ang Fil-Am na si Jordan Clarkson para sa Lakers
Nakapako pa rin sa 2nd spot ng Western Conference Division ang Golden State sa kartadang 15-6.
