24 oras nang magseserbisyo ang ride-hailing app na grab sa kanilang mga customer simula ngayong araw.
Sa inilabas na pahayag ng grab, sinabi nito ang iba’t-ibang mga serbisyo ng kumpanya ay maaari nang ma-book 24/7 sa mga sumusunod na lugar:
- Metro Manila: grab car 2 at 4-seater;grab taxi.
- Pampanga: grab car;grab taxi.
- Cebu: grab car 2-seater; grab taxi.
- Habang sa Baguio, Naga, Bacolod, Iloilo, Cagayan De Oro, at Davao: ay pwede na ring i-book 24/7 ang grab taxi.
Bukod pa rito, pwede na ring i-book ang grab rent service.
Nauna rito, sinuspinde ng pamunuan ng grab ang ‘grab share’ services nito para tumalima sa panuntunan ng pamahalaan na magkaroon ng physical distancing para makaiwas sa pagkalat ng COVID-19.
