Suspendido ang isang driver ng transport network company o TNC na Grab makaraang maningil ito ng doble sa itinakdang pamasahe sa kanyang pasahero.
Batay sa Facebook post ng isang Ahleks Fusilero, nag-book umano sa Grab ang kanyang kaibigan na kinilala lamang sa pangalang Luigi patungo sanang Cainta sa Rizal mula sa Quezon City.
Gayunman, ipinabatid umano ng Grab sa pasahero na kanilang dodoblehin ang pasahe nito sa dahilang wala umanong pasahero pabalik.
Agad namang ipinagbigay alam ang insidente sa Land Transportation Franchising and Regulatory Board o LTFRB ang insidente at ipinagbigay-alam na rin ito sa pamunuan ng Grab.
Ayon sa Grab, tinawagan na ng kanilang customer service representative ang driver at isasailalim nila ito sa retraining kasabay ng suspensyon sa loob ng isa hanggang tatlong araw.
—-
