Pormal nang itinalaga ng punong ehekutibo si Greco Belgica bilang chairman ng Presidential Anti-Corruption Commission (PACC).
Ito’y isinagawa kasabay ng pagdiriwang ng ikatlong taong anibersaryo ng komisyon.
Kasunod nito, tiniyak ni Belgica na kanyang tutuparin ang atas ni Pangulong Rodrigo Duterte na habulin ang mga opisyal ng pamahalaan na sangkot sa korapsyon.
Mababatid na ang pagtatalaga kay Belgica bilang chairman ng PACC ay kasunod ng pagpanaw ni dating PACC Chairman Dante Jimenez.
