Pinangunahan nina Aliw Broadcasting Corporation (ABC) Vice President/General Manager Randy Cabangon at President/CEO Josephine Reyes ang makasaysayang groundbreaking ceremony ng bagong itatayong tower ng DWIZ 882 sa Obando, Bulacan.
Ayon kay Cabangon, sa pamamagitan nito’y mas magiging malinaw ang signal ng DWIZ na makakarating sa mga tagapakinig ng radyong tinaguriang “May Todong Lakas.”
Ipinagmalaki ni Cabangon na bahagi ito ng walang humpay na paglilingkod ng ABC sa ating mga kapwa tao.
“Hindi naging madali itong project na ito pero finally matutuloy na rin, magandang simula ito sa bagong taong 2016 na may bago tayong tore.” Ani Cabangon.
Sinabi naman ni Ms. Reyes na layon nitong makapaghatid ng mas malawak na serbisyo publiko para sa ating mga kababayan.
“Ito ay para palawakin ang ating public service, marinig ng mga tao at syempre pa bilang sa radyo mas magandang maging malinis ang pasok ng ating balita at public service, so this is for our people.” Pahayag ni Reyes.
Ang Aliw Broadcasting ay 24 na taon na sa broadcast industry.
By Jelbert Perdez | Jonathan Andal
Photos Here:
