Pinadudurog na ni Pangulong Rodrigo Duterte sa mga sundalo ang Abu Sayyaf Group sa Mindanao.
Sa kanyang pagbisita sa 1st Infantry Tabak Division sa Camp Sang-an sa Zamboanga del Sur, iniutos na ni Pangulong Duterte ang pagdurog sa mga bandido para matapos na ang paghahasik nila ng karahasan.
Iginiit pa ng Pangulo na sarado na ang kanyang pintuan para makipag-usap sa Abu Sayyaf.
Kasabay nito, tiniyak ng commander-in-chief sa mga sundalo na inaasahang darating na sa Disyembre ang mga bagong armas na gagamiting pantapat sa mga kalaban ng estado.
Ibinalita rin ng Pangulo sa mga sundalo na madodoble na ang kanilang sahod, hindi nga lang biglaan kundi unti-unti simula ngayong buwan ng Agosto.
By Meann Tanbio / Aileen Taliping (Patrol 23)
