Nagkagiriian ang grupong KADAMAY at mga pulis sa isinigawang kilos protesta ng naturang grupo sa National Housing Authority.
Pwersahang pinasok ng grupong KADAMAY ang gate ng tanggapan para umano makausap ang mga opisyal ng NHA.
Ayon kay QCPD Dir. Guillermo Eleazar sinubukan ng mga pulis na kausapin ng maayos ang mga ralyista upang lumabas na ang mga ito sa gate ngunit nagmatigas umano ang mga ito.
Dito na nagkainitan ang mga otoridad at ralyista at napilitan ng gumamit ng water cannon ang Bureau of Fire Protection.
Katwiran ng ilang ralyista hindi umano sila nanggugulo at sila ay pinuwersa ng mga otoridad na lumabas.
Ayon sa KADAMAY, patikim pa lamang ang kanilang ginawang rally kahapon dahil magsasagawa pa sila ng vigil sa labas ng NHA.
