Muling nagbanta ang Grupong Kadamay o Kalipunan ng Damayang Mahihirap na o-okupahin ang lahat ng mga napabayaan at nakatiwangwang na mga pabahay sa buong bansa.
Ito anila ay kung hindi agad na maipapamahagi ng pamahalaan ang mga nasabing housing projects kasunod na rin ng pormal na pagpayag ni Pangulong Rodrigo Duterte na ipamigay na lamang ang hindi natitirahang pabahay.
Kahapon, muling nagmartsa at nag-kilos protesta ang mga miyembro ng Kadamay sa Pandi, Bulacan.
Bitbit ang mga placards, kanilang hiniling ang agarang pamamamahagi sa mga nakatenggang pabahay para sa mga walang matirahan sa buong bansa.
