Ilalabas na ng Commission on Elections ngayong linggo ang guidelines para sa paghahain ng Certificate of Candidacy at Certificate of Nomination and Acceptance para sa 2025 midterm elections.
Ayon kay COMELEC Spokesman Attorney John Rex Laudiangco, laman nito ang panuntunan para sa format ng COC, gayundin ang paghahain nito mula a-uno hanggang a-otso ng Oktubre.
Samantala, sinabi naman ni COMELEC Chairman George Erwin Garcia na kabilang din sa guidelines ang pagpayag ng mga kandidato na isapubliko ang kanilang COC sa COMELEC website.
Matatandaan Hunyo nang aprubahan ng comelec en banc ‘in principle’ ang rekomendasyong i-upload ang ipinasang COC at CONA ng mga kandidato sa website ng ahensya.
