Isang lalaking highschool teacher ang sinibak sa serbisyo matapos mapatunayang nang-molestya ng tatlong lalaking estudyante sa Olongapo City noong 2018.
Kinilala ng Department of Education ang gurong si Franco Arañas ng New Cabaan National High School.
Si Arañas ay napatunayang guilty sa “grave misconduct” dahil sa pangmomolestya sa kanyang tatlong menor-de-edad na estudyante.
Hatol na “immediate dismissal” ang ipinataw ng DepEd laban sa teacher noong Mayo 12, 2022 alinsunod sa rules of procedure ng kagawaran sa mga kasong administratibo.
Isiniwalat at isinalaysay ng tatlong kabataang mag-aaral ang pang-aabusong seksuwal na ginawa sa kanila ng nasabing guro sa dalawang magkahiwalay na insidente sa loob ng Sunshine Hotel sa Olongapo City.
Ayon sa mga biktima, pinuwersa umano sila ng guro para sa “oral at anal sex”.
Gayunman, pinabulaanan ito ni Arañas at iginiit na nasa trabaho siya at dumalo sa isang party sa mga petsang tinukoy ng mga biktima na sila ay minolestiya.
Dahil sa dismissal, kanselado na ang lisensya ni Arañas bilang guro, tinanggalan na rin siya ng retirement benefits hindi na maaaring makapagsilbi sa gobyerno.
