Nasa bansa na ang Fil-Am singer/ actress na si Hailee Steinfeld.
Sa isang Twitter post, inanunsyo ng 19-year old pop star na dumating na siya sa Pilipinas, Martes ng gabi.
Nakatakdang magsagawa ng ilang shows si Steinfeld sa bansa na magsisimula sa Biyernes, April 8 sa Eastwood Mall sa Quezon City.
Susundan ng April 9 show sa Uptown Mall, Fort Bonifacio, at April 10 sa Venice Grand Canal, McKinley Hill.
Kasalukuyang nasa tour ang Hollywood actress para i-promote ang kanyang debut album na ‘Haiz’. Nakilala din siya sa mga hits na ‘Love Myself ‘at ‘You’re Such A’.
Bago pa man ang kanyang music career nakilala si Steinfeld nang ma-nominate siya para sa isang Academy Award para sa pelikulang ‘True Grit’.
Lumabas din siya sa ilang Hollywood films gaya ng ‘Ender’s Game’, ang 2013 adaptation ng ‘Romeo and Juliet’, Begin Again at ang hit musical na ‘Pitch Perfect 2′.
Si Steinfeld ay may dugong Pinoy dahil sa kanyang Filipina mother.
