Umabot sa halos 30 katao ang nasawi sa anti-illegal drugs operations at summary executions sa iba’t ibang panig ng Metro Manila sa loob lamang ng 12 oras.
Mula alas-5:00 ng hapon ng Huwebes hanggang alas-5:00 ng madaling araw ng Biyernes, 23 ang nasawi sa anti-drug operations samantalang pito ang mula sa summary executions.
Dalawang drug suspects ang napatay sa Navotas makaraang manlaban sa mga pulis, 12 sa Caloocan City, 1 sa Malabon, 3 sa Valenzuela at 5 sa Maynila.
Isa naman ang nasawi sa kamay ng mga hinihinalang vigilante sa Marikina at 6 sa Quezon City.
Napasama rin sa listahan ng mga nasawi ang dalawang holdaper sa Caloocan City at isang negosyante na tinambangan sa Maynila.
By Len Aguirre
