Halos 80 katao ang pinaniniwalaang nasawi matapos mawasak at tumaob ang barkong sinasakyan ng 92 indibidwal sa karagatang bahagi ng Zuwara na sakop ng North-Western Libya.
Ayon kay Italy Spokesperson for the UN International Organization for Migration (IOM) Flavio Di Giacomo, nakakaranas ngayon ng bagyo ang naturang lugar kaya’t mapanganib na umalis kahit na kalmado umano ang karagatan sa Central Mediterranean.
Patuloy pang iniimbestigahan ng mga otoridad ang naganap na insidente sa nabanggit na lugar. —sa panulat ni Angelica Doctolero
