Aabot sa halos kalahating milyong pisong halaga ng hinihinalang shabu ang nakumpiska ng mga otoridad sa tatlong suspek sa Batangas City.
Ayon sa mga otoridad, nakuha sa tatlong suspek ang nasa 53 gramo ng shabu o katumbas ng P462,000 na halaga ng iligal na droga matapos ikasa ang drug buy-bust operation sa nabanggit na lugar.
Nakuha rin sa mga suspek ang 30 libong pisong halaga ng pera na ginamit bilang buy-bust money.
Nahaharap ngayon ang mga suspek sa paglabag sa Republic Act 9165 o Comprehensive Dangerous Drugs Act of 2002.
