Posibleng madaanan na ngayong buwan ang ipinagawang hanging bridge ng Department of Public Works and Highways sa barangay Lanipao, Iligan City.
Ito’y makaraang makarating kay DPWH Secretary Mark Villar ang kalbaryong dinaranas ng dalawang estudyante na tumatawid sa tulay na lubid para lamang makapasok sa paaralan.
Aminado ang kalihim na naantig siya nang mapanood sa telebisyon ang istorya ng dalawang estudyante kaya’t agad niyang pinaasikaso ang pagpapagawa ng nasabing tulay.
Ipinakita pa ni Secretary Villar sa kaniyang facebook page ang larawan ng ginagawang hanging bridge sa sitio G’tum bilang bahagi aniya ng pag-uulat sa publiko hinggil sa mga ginagawa ng hinahawakan niyang kagawaran.
By: Jaymark Dagala
Photo Credit: FB page of Sec. Villar
