Harana ang ipinangtapat ng Philippine National Police sa bayan ng Kapalong Davao del Norte para kusang sumuko ang mga drug users at pushers.
Ayon kay Chief Inspector Michael Seguido, hepe ng PNP sa Kapalong Davao del Norte, nagresulta na sa pagsuko ng daan-daan kataong sangkot sa illegal drugs ang kanilang Project Manianita.
Araw-araw anya ay nagha-house to house sila sa bawat barangay para haranahin ang sinumang drug user man o pusher na sumama sa kanila.
Sa unang araw pa lamang anya ng kanilang panghaharana ay may 60 nang nahikayat na sumuko ang mga kantang ‘Magbago Ka’ ni Freddie Aguilar at Gising na Kaibigan ng grupong Asin.
Plano ng pamahalaan ng Kapalong at ng PNP na ikutin ang lahat ng 14 na barangay ng bayan upang mang-harana.
Bahagi ng pahayag ni Chief Inspector Michael Seguido
By Len Aguirre | Ratsada Balita
