Nasawi makaraang malunod ang isa sa mga miyembro ng It’s Showtime boy group na Hashtags.
Idineklarang dead on arrival ang 26 taong gulang na si Franco Hernandez sa Don Marcelino, Davao Occidental matapos hampasin ng malaking alon ang bangkang sinasakyan, kahapon.
Ayon sa Don Marcelino Municipal Police, kasama ni Franco o Franco Lumanlan sa tunay na buhay ang kanyang girlfriend, Hashtag team member Tom Doromal at dalawang iba pa nang hampasin ang kanilang bangka sa Barangay North Lamidan.
Nahulog sa dagat si Franco at kasintahan nito at kapwa nailigtas subalit nawalan ng malay binata kaya’t isinugod ito sa Estacion Medical Clinic sa bayan ng Malita kung saan siya idineklarang dead on arrival.
Nagpaabot naman ng pakikiramay ang mga kapwa hashtag member at kasamahan sa showbiz lalo sa “Its Showtime” family.
