Hindi sang-ayon si Rain or Shine Coach Yeng Guiao na mahatulan ng lifetime suspension sa paglalaro ng basketball ang Jose Rizal University (JRU) player na si John Amores.
Ito’y matapos mag-amok ni Amores sa huling minuto ng kanilang laban kontra College of Saint Benilde noong Lunes.
Bago ito ay may dalawa nang naunang kaso si Amores nang pag-aamok laban kina Kobe Monje ng Colegio de San Juan de Letran at Mark Gil Belmonte ng University of the Philippines (UP).
Sa panayam ng DWIZ, sinabi ni Guiao na sang-ayon itong patawan ng parusa si Amores ngunit hindi ito dapat i-ban sa paglalaro ng basketball pang-habambuhay.
Hindi rin kumbinsido si Guiao na parusahan ang JRU at mga coach nito hinggil sa insidente maliban nalang aniya kung inudyukan o kinunsinte ng mga ito si Amores. sa panulat ni Hannah Oledan
