Iniimbestigahan na ng Las Pinas City Police ang hazing incident na lubhang ikinasugat ng isang babaeng estudyante ng Lyceum of the Philippines University-Manila.
Ayon kay Sr. Supt. Jemar Modequillo, hepe ng Las Pinas City PNP, bagamat ang CIDG-NCR ang may hawak ng kaso, nais aniya nilang malaman ang totoong nangyari.
Sinabi pa ni Modequillo na kung kakailanganin ng CIDG ng kanilang tulong, handa nilang isumite ang magiging resulta ng kanilang imbestigasyon.
Magugunitang isinugod sa ospital si Larissa Colleen Alilio, anak ni Lemery, Batangas Mayor Eulalio Alilio, matapos makaranas ng hazing mula sa kamay ng Tau Gamma Sigma sorority sa isang abandonadong bahay sa F. Ocampo Avenue, barangay Pamplona 3 noong linggo.
By: Meann Tanbio / Allan Francisco
