Nakatakdang ihatid sa huling hantungan ngayong araw ang hazing victim at UST Law Freshman na si Horacio “Atio” Castillo III.
Isang misa muna ang isasagawa sa Sanctuario de San Antonio sa Forbes Park, Makati City mamayang alas-2:00 ng hapon bago tumulak patungong Manila Memorial Park sa Sucat, Parañaque City.
Pero bago ito, napuno ng emosyon ang ginawang eulogy at necrological services para kay Atio kagabi sa huling lamay nito.
Inalala ng mga malalapit na kaibigan ni atio tulad nila Robin Lacson at Angelo Fernandez ang mga masasayang ala-ala nila na magkakasama at kung ano ang mga dapat sana’y mai-aambag ni Atio para sa bansa.
Kasunod nito, inihayag ng tiyuhin ni Atio na si Dr. Gerry Castillo na binuksan nila ang libing ng kaniyang pamangkin para sa lahat ng miyembro ng Aegis Juris Fraternity.
—-
