Naglabas na ng HDO o hold departure order ang Sandiganbayan laban kina dating Philippine National Police (PNP) Chief Alan Purisima at dating Special Action Force (SAF) Director Getulio Napeñas.
Sa kopya ng desisyong inilabas ng Sandiganbayan 4th Division, inatasan nito ang Bureau of Immigration na ilagay sa hold departure list sina Purisima at Napeñas.
Maaari lamang makalabas ng bansa sina Purisima at Napeñas kung makakakuha sila ng permiso mula sa Sandiganbayan.
Sina Napeñas at Purisima ay nahaharap sa paglabag sa Anti-Graft and Corrupt Practices Act at Usurpation of Public Functions na nag-ugat sa naging papel nila sa Mamasapano encounter kung saan nasawi ang apatnapu’t apat (44) na miyembro ng PNP-SAF.
By Len Aguirre | Report from Jill Resontoc (Patrol 7)
