Nananatiling nasa low risk ang health care utilization rate gayundin naman ang intensive care unit (ICU) bed occupancy ng mga ospital sa buong bansa.
Ito ang iniahayag ni One Hospital Command Center Chief at Treatment Czar Leopoldo Vega sa kabila pa rin ng ilang pagtaas ng COVID-19 cases na naitatala ng pamahalaan.
Sinabi ni Vega na batay sa datos ay nasa 46 % ang healthcare utilization rate sa iba’t ibang ospital habang nasa 57% naman ang ICU bed occupancy.
Lumabas din sa kanilang pag-aaral na napanatili pa rin ng Metro Manila ang low risk pagdating sa healthcare utilization at ICU bed occupancy dahil sa bumababang kaso ng virus. —ulat mula kay Patrol 17 Jopel Pelenio