Aminado si Kapuso actress Heart Evangelista na nagkaroon ng pagkakataon na tila nagselos ang asawang si Senator Chiz Escudero sa kanyang leading man sa teleseryeng My Korean Jagiya na si Xander Lee.
Kwento ni Heart, may isang insidenteng nakita ni Senator Chiz ang message sa kanya si Xander na isang picture niyang tumatawa habang nasa likod ang kanyang leading man.
Aniya, tinanong siya ni Senator Chiz kung bakit sobra–sobra ang kanyang ngiti sa larawan na binalikan naman ni Heart ng tanong kung nagseselos ba ito na hindi naman sinagot ng senador.
Kasabay nito sinabi ni Heart na wala siyang nakikitang problema kung magbubuntis siya habang nag-shoshoot ng kanyang teleseryeng My Korean Jagiya.
Paliwanag ni Heart, hindi naman niya kailangang magsuot ng mga fitted na damit sa programa kaya kahit pa sakaling umabot sa 6 months ay hindi naman ito mahahalata.
