Kinumpirma ni Kapuso actress Heart Evangelista na nagkaroon sila ng maikling relasyon ni Kapamilya actor John Lloyd Cruz.
Sa panayam ng pep.ph kay Heart, inamin nito ang naging relasyon nila ni John Lloyd noong siya ay Kapamilya pa pero paglillinaw ng aktres naging maikli lamang ito dahil kakagaling pa lamang niya sa break up at nagsimula na rin siyang makipag-date sa iba.
Bagama’t hindi na nagbigay ng detalye si Heart, sinasabing ang relasyon nito kay John Lloyd ay nangyari bago siya makipag-date sa actor na si Jericho Rosales noong 2005.
Nang hingan naman ng pananaw si Heart sa lumalabas na pakikipag-relasyon ni John Lloyd sa sexy actress na si Ellen Adarna, sinabi ni Heart na masaya siya para rito at sa tingin niya bagay ang dalawa.
—-
