Sinibak na sa pwesto ang hepe ng Angeles City Police na si Sr. Supt. Sidney Villaflor, epektibo ngayong araw.
Base sa kautusan ni Philippine National Police (PNP) Region 3 Director Chief Supt. Aaron Aquino, ipinaliwanag nitong command responsibility ang dahilan ng pagkakasibak kay Villaflor dahil sa nangyaring magkasunod na kaso ng mga Koreanong nabiktima ng mga tiwaling pulis sa Angeles, Pampanga.
Ipapalit bilang bagong hepe ng Angeles PNP si Senior Supt. Jose Hidalgo Jr. habang ilalagay naman si Villaflor sa Regional Personnel and Holding Unit.
Kahapon, sinibak na rin sa pwesto ang 7 pulis na sangkot sa pag-hulidap sa 3 Koreano sa Angeles Pampanga.
Maging ang station commander at deputy ng Angeles City Station 5 ay ni-relieve na rin sa puwesto.
Sa kabuuan, sampung (10) pulis na sa Pampanga ang nasisibak sa puwesto makaraang madukot at mapatay ang Koreanong negosyanteng si Jee Ick Joo.
By Jonathan Andal (Patrol 31)
