Patay matapos mabangga ng 10-wheeler truck ang isang hepe ng Batangas Police Station sa Barangay Tulo sa Bayan ng Taal, Batangas.
Kinilala ang biktima na si Major Amiel Bernardo Sanhi Jr. na nakatalaga sa Lian Municipal Police Station, at residente ng Barangay Calicanto sa Batangas City.
Base sa imbestigasyon, sakay ng Sport Utility Vehicle (SUV) ang bikitima at patungo sana sa Batangas City nang maganap ang insidente alas-12 ng tanghali kahapon.
Naisugod pa sa ospital ang biktima pero idineklara itong dead on arrival ng sumuring doktor.
Patuloy pang iniimbestigahan ng mga otoridad ang naganap na insidente.
