Sinibak sa pwesto ni NCRPO Chief Director Oscar Albayalde ang hepe ng Caloocan City police na si Senior Superintendent Jemar Modequillo.
Ayon kay Albayalde , bigo si Modequillo na solusyunan ang serye ng pamamaril sa lungsod.
Bukod kay Modequillo , tinanggal din sa pwesto si Superintendent Amante Daro ng Manila Police District (MPD) station 11 dahil sa hindi rin masolusyonan na kaso ng patayan at nakawan sa nasusukapan niyang lugar.
Hindi rin nakaligtas ang station 10 commander ng Quezon City Police District (QCPD) na si Police Superintendent Christian Dela Cruz makaraang personal na makita mismo ni PNP Chief Director General Ronald Dela Rosa ang marumi nilang istasyon.
-Jonathan Andal
