Hepe ng Maddela Police sinibak kasunod ng NPA attack

Sinibak ang hepe ng Maddela Police Station sa Quirino Province na si Police Chief Inspector Jun Balisi.

Kasunod ito ng ginawang pagsalakay ng NPA o New People’s Army sa himpilan ng pulisya doon na ikinasawi ni PO2 Jerome Cardenas.

Inamin ni Balisi na wala siya sa kanilang himpilan nang maganap ang pagsalakay dahil nagkataon na umalis siya sa kanilang himpilan upang magtungo sa Quirino Police Provincial Office nang biglang umatake ang mga rebelde.

Kabilang sa pinagpipiliang ipalit kay Balisi ay si Police Sr. Insp Reynaldo Gonzales, ang Platoon Commander ng 1st Manuever Platoon ng Quirino Public Safety Company na nakahimpil sa Cabarrougis, Quirino.

By  Meann Tanbio 

Comments

comments