Sinibak na sa pwesto ang hepe ng Northern Police District (NPD) na si Chief Superintendent Roberto Fajardo.
Ito ay sa ilalim ng kautusan ni Philippine National Police (PNP) Chief Director General Ronald ‘Bato’ Dela Rosa.
Kaugnay ito sa kaso pa rin ng pagkamatay ng Grade 11 student na si Kian Loyd Delos Santos.
Ayon kay Dela Rosa epektibo ngayong araw ang administrative relief ni Fajardo dahil umano ito sa ‘command responsibility’ at para bigyang daan ang ginagawang imbestigasyon.
Sa kabuuan, limang pulis na ang nasisibak sa tungkulin dahil sa pagkamatay ng 17 anyos na binatilyong si Kian Loyd.
