Pinasalamatan ng weightlifter na si Hidilyn Diaz ang kanyang pamilya at lahat ng mga taga-suporta matapos naman masungkit ang gintong medalya sa ginaganap na Asian Games sa Indonesia.
Gayundin ang mga opisyal ng Philippine Sports Commission sa ibinibigay nitong suporta sa lahat ng mga atletang Filipino.
Sinabi ni Diaz, masaya siya sa naging resulta ng kanyang naging laban lalo nagbunga aniya ang matindi niyang sakripisyo habang nasa training.
Dahil sa pagkapanalo ng gintong medalya, mag-uuwi si Diaz ng aabot sa anim na milyong piso na magmumula sa Philippine Olympic Committee, Philippine Sports Foundation, Siklab Pilipinas Sports Foundation at Philippine Ambassador to Indonesia Lee Hiong Wee.
—-
