Hindi makikisawsaw si Pangulong Rodrigo Duterte sa hidwaan ng mga leader at sinibak na miyembro ng kanilang Partido Demokratiko Pilipino–Lakas ng Bayan (PDP-Laban).
Ito ang tiniyak ni Presidential Spokesman Harry Roque matapos maglunsad ng isang event sa Quezon Memorial Circle ang nagpapakilalang mga miyembro ng PDP-Laban mula Mindanao na bumabatikos kay House Speaker Bebot Alvarez.
Ayon kay Roque, matatalakay din sa mga susunod na araw ang issue pero sa ngayon ay ipinauubaya na muna ito ng Pangulo sa liderato nina Senate President Koko Pimentel, Alvarez at Energy Secretary Alfonso Cusi.
Si Pimentel ang Pangulo ng partido, Secretary-General naman si Alvarez habang Vice Chairman si Cusi.
Magugunitang binatikos ni PDP-Laban National Council Chairman ROGELIO garcia ang kanilang partido dahil umano dumaan sa mandatory basic seminar ang kanilang mga bagong miyembro.
RPE
