Arestado ang isang “high-value individual” matapos mahulihan ng 1.224 million pesos na halaga ng hinihinalang shabu sa ikinasang buy bust operation sa Barangay Palinpinon, Valencia, Negros Oriental.
Kinilala ng Negros Oriental Provincial Police Office o NOPPO ang suspek na si Don Emilio Cordova Cariño, 35 taong gulang, at residente ng Barangay Batinguel.
Nasabat mula kay Cariño ang pitong plastic sachets na naglalaman ng umano’y shabu na tinatayang tumitimbang ng 180 grams.
Mahaharap ang suspek sa reklamong paglabag sa Republic Act 9165 o Comprehensive Dangerous Drugs Act of 2002.
