Karagdagang 1,353,800 doses ng Moderna COVID-19 vaccines ang dumating sa bansa ngayong araw.
Ayon kay Vaccine Czar Carlito Galvez, Jr., ang nabiling bakuna ng gobyerno ay gagamitin sa pagbabakuna sa mga menor de edad maging para sa booster shots.
Magugunitang inilabas ng Department of Health (DOH) ang isang advisory na nirerekomenda ang paggamit ng Moderna, Pfizer at Sinovac bilang mga booster doses.
Sa ngayon ay umabot na sa mahigit 124 milyong doses ng COVID-19 vaccines ang natanggap ng Pilipinas. —sa panulat ni Joana Luna
