Aabot sa mahigit 100 empleyado ng Bureau Immigration ang tinamaan ng coronavirus disease 2019 (COVID-19) ngayong taon.
Ayon kay Immigration Spokesperson Dana Sandoval, bagama’t marami-rami ang tinamaan ng COVID-19 sa kanilang mga tauhan, karamihan naman sa mga ito aniya ay nakarekober na.
Sa kasamaang palad, dalawa aniya ang nasawi dahil sa nakahahawang sakit.
Gayunman, tiniyak ni Sandoval na kapag may nagpopositibo sa mga tauhan, nagpapatupad ng mahigpit na protocol sa lahat ng nakasalamuhang Immigration officers.
Siniguro din ni Sandoval na sapat ang tauhan ng BI para ma-accommodate ang volume ngayon ng mga byahero.
