Aabot sa 360 empleyado ng Southeast Asian ride hailing app na Grab ang mawawalan ng trabaho dahil sa epekto ng coronavirus disease 2019 (COVID-19) pandemic.
Ayon kay Grab co-founder and CEO Anthony Tan, posibleng magresulta ng matagalang resesyon ang naturang pandemya.
Sinubukan na nila umanong gawin ang ibang paraan gaya ng pagtapyas sa mga discretionary spending gayundin sa pagbawas sa mga sweldo ng ilang senior management ngunit aniya hindi pa rin ito sapat.
