Aabot sa 404 na mga seafarer ang dumating sa NAIA Terminal 3 at nabigyan ng serbisyo ng Maritime Industry Authority (Marina) matapos maapektuhan ng nagpapatuloy na covid-19 pandemic sa iba’t-ibang mga bansa.
Ayon sa Department of Transportation (DOTr), sa kabuuang bilang, 138 dito ay mula sa Doha, Qatar; 88 mula sa Dubai, UAE; 66 naman mula Amsterdam; 57 mula Abu Dhabi; 22 mula sa Istanbul, Turkey; 21 mula sa Narita, Japan; 8 sa Sydney, Australia; 3 sa Singapore at 1 sa Guam.
Nabatid na naglagay ng one stop shop ang Marina sa NAIA para tulungan ang nga pinoy seafarers na napilitang umuwi sa Pilipinas dahil sa epekto ng pandemiya sa mga sinasakyan nilang barko.
